Garð- og landslagsplöntur

Nokkur hluti garð- og landslagsplantna, sem ræktaðar eru hérlendis, eru tegundir og yrki sem orðið hafa til í yfir hundrað ára ræktunarsögu Íslands og eru óvíða í almennri ræktun erlendis. Eru þær því að jafnaði mun betur aðlagaðar íslenskum aðstæðum en innflutt yrki. Þetta eru íslenskar tegundir eins og víðir, einir og fjölærar jurtir eins og t.d. lyngbúi, auk íslensku trjátegundanna. Stærstur hluti garð- og landslagsplantna eru þó innfluttar tegundir sem reynst hafa vel í ræktun hér og bæði lærðir og leikir hafa valið á löngu árabili. Tegundirnar eru fjölmargar og mörg mikilvæg yrki eru af ættkvíslunum Lonicera, Rosa, Salix, Sorbus, Spiraea, Syringa, svo nokkuð sé talið. Þessi efniviður hefur lítið verið rannsakaður.

Heimild: Erfðanefnd landbúnaðarins (2009). Íslenskar erfðaauðlindir – Landsáætlun um verndun erfðaauðlinda í íslenskri náttúru og landbúnaði 2009-2013. Reykjavík: Erfðanefnd Landbúnaðarins.

DeilaShare on FacebookTweet about this on TwitterShare on Google+Email this to someonePrint this page